Plantun de Prouvènço

Pèr coumpara dos planto d'encò nostre

Plantago lagopus & Genista sagittalis

Pèd-de-lèbre

Plantago lagopus

Plantaginaceae

Autre noum : Auriho-de-lèbre.

Noms en français : Pied-de-lièvre, Plantain pied de lièvre.

Descripcioun :
Lou pèd-de-lèbre es uno planto de l'an que trachis dins li pelouso seco e li relarg roucaious. Li fueio blanquinouso soun tóuti basalo, e sort dóu pèd de poulìdis espigueto peludo e argentado (bratèio e sepalo) de 1,5 à 3 cm, que i'an douna soun noum.

Usanço :
Tóuti li fueio de plantage soun bono à manja, lou tout èi que siegon pas trop duro. En Sicilo fan bouli li fueio de pèd-de-lèbre e li servon emé d'òli d'óulivo e de sau (F. Couplan, op.cit. p. 352). Avèn pas d'entresigne segur, mai se poudrié qu'aguèsse li mémi prouprieta medicalo bèn couneigudo de soun cousin, l'erbo-di-cinq costo.

Port : Erbo
Taio : 5 à 30 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Blanco
Petalo : 4
Ø (o loungour) flour : 5 à 15 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero seco - Roucaio - Garrigo
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago lagopus L., 1753

Genèsto(-di-cambo-alado)

Genista sagittalis

Fabaceae Leguminosae

Nom en français : Genêt à tiges ailées.

Descripcioun :
Aquesto pichoto genèsto trachis dins li relarg séusous mounte ié flouris à la fin de la primo. Se recounèis eisadamen bonodi si cambo alado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 40 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Genista
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 10 à 15 mm
Flourido : Printèms - Estiéu

Sòu : Si
Autour basso e auto : 0 à 1800 m
Aparado : Noun
Jun à juliet

Liò : Champino - Castagnaredo - Pinèdo - Prado
Estànci : Subremediterran à Mountagnard
Couroulougi : Ouroufito-Sud-Éuroupenco
Ref. sc. : Genista sagittalis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Plantago lagopus & Genista sagittalis

ges

Coumpara Pèd-de-lèbre emé uno autro planto

Coumpara Genèsto(-di-cambo-alado) emé uno autro planto